Íslandsmet og heimsmet

Heyrði það í morgun að við íslendingar værum búinn að setja enn eitt heimsmetið sem að er vegna sölu leikfanga.   ToysRus leikfangabúðin í kópavogi seldi leikföng fyrir 70 milljónir króna og það bara yfir helgina á laugardag og sunnudag.  Vá vá vá!!!.  það þýðir að ef hver viðskiptavinur hefur verslað fyrir 2000kr a.m.k hafa komið 35000 manns í ToysRus og það bara yfir helgina.

Við komum þarna inn á laugardag þar sem að kunningja fólk okkar Hófí og Siggi voru að eignast litla dóttir og við fórum að kaupa sængurgjöf fyrir litlu prinsessuna í ungbarnadeildinni og ákváðum að skella okkarbara í mannhafið í ToysRus.  Þessi búð er reindar ótrúlega skipulögð og eru miklu ódýrari en þekkist hér á landi.   Og það er hreinlega spurning hvort maður nennir að dröslast lengur með dót heim frá útlöndum svo glæsileg er verslunnin.  Allavega var Ástrós alveg að tapa sér í leikfanga hafaríinu í búðinni. Sá að pólverjarnir  horfðu á íslendingana með augum eins og undirskálar að  tapa sér í innkaupum á leikföngum eins og það væru 2 mínútur til jóla. Nýja brumið er alltaf spennandi.

Það býr íslenskur heimsmeistari í okkur öllum, allavega í einhverju.

Athugasemdir

[Margrét M, 23.10.2007 kl. 08:37]

mér finns þið frekar huguð, ég hefði ekki vogað mér að synda í þessu mannhafi svona stuttu eftir að búðin opnaði, svona miðað við það sem að maður hefur séð í fréttum,,

[Una Kristín (IP-tala skráð) 23.10.2007 kl. 15:04]

Úff púff.. ekki legg ég í þetta mannhaf ennþá... en kannski seinna, fyrir jólin og svona. En annars skaltu endilega kíkja á síðuna hjá Láru og Eika (linkur á þau af minni síðu) því þau voru að eignast myndarlegan strák þann 11. þessa mánaðar!