Lock and Load... Hunting season 26 days to go jibbí

Er búinn að vera lasinn heima.  Vorum reyndar öll lasin heima og allir með pest.  Í dag voru allir farnir að hressars undir eftirmiðdaginn.  Er byrjaður að hnýta flugur fyrir veiðiferðir sumarsins.  Þegar mars byrjar fer tilhlökkun að segja til sín og er fyrsti veiðidagurinn líkt og þegar nautgripum er sleppt út á vorin fyrir utan það að ég hoppa ekki um eins og beljurnar heldur flatmaga hreyfingarlaus í vatninu með stöngina eins og köttur sem að bíður eftir mús. Ástrós var að hjálpa mér í dag að hnýta flugur þegar ég var farinn að hressast.  Hún er farin að segja að sér langi í veiðistöng og hún á að vera bleik og hún vill bara veiða litla fiska og pabbi á að veiða stóra. 

Þetta er fluga sem að ástrós valdi efnið í fluguna og ég setti þetta svo saman.  Ástrós gaf henni nafnið Solla Stirða

Þessa flugu skáldaði ég upp og er einskonar púpa með kúluhaus.   Ástrós gaf henni nafnið Múra.

Hnýtti nokkrar af þessari þetta er Græn Mýflugu lirfa.  Þetta er mjög lítið og hnýtt á öngul númer 12 sem að er u.þ.b. 7mm langur. enda um smátt kvikidi að ræða.  Þessi reynist oft vel í Vífilstaðavatni á vorin.

Hnýtti þessa og er þessi álíka smá. Þessi er Dökk mýflugu lirfa á enda lirfu skeiðs.  Þegar vora tekur er vatns yfirborð Vífilstaðavatns t.d. þakið púpu hylkjum og er þetta ein aðal fæða fiskana í vatninu á vorin.

 

 

 

 

Athugasemdir

[Margrét M, 5.3.2008 kl. 21:30]

bssssssssssss bsssssssssssssssss