Flickr and Photos from the highlands

Skrifa á ensku þar sem að vinir erlendis eru farnir að skoða síðuna: ) 

Today I finally incerted a few of my photos from my trip to the higergroud i.e to the icelandic highlands with my brother and a few of his colages from work.  This trip was early October any how here are a few of the photos from the jouney.

http://www.flickr.com/photos/16360194@N07/sets/72157602728344341/

Íslandsmet og heimsmet

Heyrði það í morgun að við íslendingar værum búinn að setja enn eitt heimsmetið sem að er vegna sölu leikfanga.   ToysRus leikfangabúðin í kópavogi seldi leikföng fyrir 70 milljónir króna og það bara yfir helgina á laugardag og sunnudag.  Vá vá vá!!!.  það þýðir að ef hver viðskiptavinur hefur verslað fyrir 2000kr a.m.k hafa komið 35000 manns í ToysRus og það bara yfir helgina.

Við komum þarna inn á laugardag þar sem að kunningja fólk okkar Hófí og Siggi voru að eignast litla dóttir og við fórum að kaupa sængurgjöf fyrir litlu prinsessuna í ungbarnadeildinni og ákváðum að skella okkarbara í mannhafið í ToysRus.  Þessi búð er reindar ótrúlega skipulögð og eru miklu ódýrari en þekkist hér á landi.   Og það er hreinlega spurning hvort maður nennir að dröslast lengur með dót heim frá útlöndum svo glæsileg er verslunnin.  Allavega var Ástrós alveg að tapa sér í leikfanga hafaríinu í búðinni. Sá að pólverjarnir  horfðu á íslendingana með augum eins og undirskálar að  tapa sér í innkaupum á leikföngum eins og það væru 2 mínútur til jóla. Nýja brumið er alltaf spennandi.

Það býr íslenskur heimsmeistari í okkur öllum, allavega í einhverju.

Guð er kona

Já þetta voru orð Ástrósar minnar (3 ½ ára) fyrir svefninn.  Hún fann biblíusögur barnanna lengst niðri í skúffu.  Þetta er bók sem að presturinn gaf okkur þegar hún var skírð.  Þessa bók átti ég að lesa spjaldanna á milli fyrir svefninn í heilu lagi.  Ég samdi við hana um að lesa þetta í hæfilegum pörtum þar sem að ég myndi sennilega sofna sjálfur.  Við lásum um Örkina hans Nóa að sjálfsögðu. Flottar myndir voru aðdráttaraflið og stutt og hnitmiðuð saga.  Eftir söguna komu svo spurningarnar.  Hver er Guð?  Ég náttúrulega spurði hana til baka hvað finnst þér.  Ástrós svaraði : emm Guð er kona sem að býr lengst uppi á himninum, sagði hún með ákafa og mikilli innlifun.   Já hvað er næst, af hverju er himinninn blár kom um daginn. Pant ekki fá að útskýra hvernig börnin verða til!!! Alla vega ekki ennþá.

 

Vorum að passa hund í 2 vikur um daginn.  Það var Cavalier hundur sem að heitir Ýmir.  Eftir þessa pössun dauðlangar okkur í Cavalier.  Og við sem að sögðum að við ætluðum alldrei hugsa um að fá okkur hund.  Þessi náði að bræða okkur heldur betur.  Hinn ljúfasti hvutti liktar ekki eins og grænlensk gólftuska(eins og margir hundar), geltir ekki (nema á ketti og aðra hunda), barngóður og fer ekki mikið úr hárum og er hið mesta gæða blóð.  Fólkið sem að er með hann fór til florida í 2 vikur og við tókum að okkur pössun á meðan. Komumst að því fljótt þegar að hann var farinn að við söknuðum hans hreinlega. Kannski fáum við okkur svona hvutta í komandi framtíð hver veit.

 

 

 

Fer víst til Seattle á næstunni í nóvenber byrjun, í rúmlega 3 vikur.  Vinnann er að senda mig á námskeið.  Námskeiðið heitir Operational Engineering Fundimentals og er fyrra stig af tveimur sem að ég tek hjá Boeing í Seattle.  Tek sennilega seinni partinn á næsta ári.  Flýg til Minneapolis og þaðan yfir til Seattle.  Frekar langt ferðalag og reikna með 10 tíma setu í flugvélum enn þetta verður bara gaman. Ég verða á hóteli sem að er niðri í bæ í seattle og keyri þaðan í skólann.  Þetta er allt að sjálfsögðu borgað af vinnunni þar sem að þetta er dýr pakki.