Hetjur dagsins!!!!!!!

Já hetjur dagsins eru atvinnubílstjórar.  Loksins þorir einhver að mótmæla olíu og bensín verði.  Styð þá heils hugar. Áfram atvinnubílstjórar!!!! 

 

Lokun vegarins háalvarlegt mál

Gleðilega páska

Gleðilega páska. Búinn að hafa það gott um helgina.  Ástrós vaknaði fyrir 7 í morgun og hvíslaði í eyrað á mér "jæja pabbi núna eru komnir páskar förum að leyta að páska egginu mínu".  Höfum haft það fyrir sið að fela páska eggið hennar Ástrósar og haft svona smá páska eggja leit. Grilluðum páskalæri ásamt öðru gúmmelaði.  Sá á vefmiðlum að pólverjar fagna Páskum á mjög undarlegan hátt hér á landi þ.e.a.s. leita uppi samlanda sína með barefli og exi. Mjög sérstakt. Kannski einhverskonar pólsk páskaeggja leit ?

Föstdagurinn langi 2008

Föstudagurinn langi byrjaði snemma hér hjá okkur.  Ástrós var vöknuð eins og vanalega um 8 leitið. Ástrós segir að þetta sé ekki föstudagurinn langi heldi "stóri föstudagur !" veistu það ekki pabbi!!!.  Ég fór allavega í langan göngu/bíltúr með myndavélina (sýnishorn hér að neðan).  Þetta var fallegur dagur sem að endaði með sælkera máltið Ala Viddi.  Pönnusteikur Silungur með hvítlauksgeirum og hunangs gljáa, gerist valla betra.  Það er líka gott að grilla silunga flökin eftir marineringu í þessum lög. Gott að hafa miðlungs þurrt hvítvín með til að vega upp á móti sæta bragðinu eins og t.d. Lindemans Chardonnay frá Ástralíu.

Uppskrift:

2 Bleikju eða urriða flök

2 hvítlauks geirar ( meðalstórir)

Lögur ( Dugar á 2 flök)

Ein msk         Mango Sweet Chutney

2 msk           Hunang

1 tsk             Soja sósa

Salt/sítrónupipar eftir smekk

Aðferð: 

Takið flökin og þerrið.  Skerið smá raufar í flökin og setjið meðalstórar flísar úr hvítlauksgera í raufarnar. Setjið smör á pönnu og hitið vel.  Setjið flökin á pönnuna (roðhlið niður) og pennslið leginum smátt og smátt yfir flökin.  Lækkið hitan á pönnunni og setjið lok yfir. Steikið í c.a. 2-3 mín eða þar til fisk holdið er orðið ljóst. 

Ein mynd á dag í 10 daga / Mynd 10 af 10. Tveir Vorboðar

Sá tvo vorboða í morgun. Golf-dýrin eru byrjuð að stika túnin hér hjá Golfklúbbi Keilis í Hafnarfyrði með kilfurnar sínar að vopni.  Það vorar snemma í ár bara að þetta haldist. Síðan eru vorfuglarnir líka byrjaðir að láta sýna sig eins og Tjaldurinn.  Það hlakkar í mér að geta byrjað að veiða og eru fluguhnýtingarnar langt komnar og er verið að yfirfara stöngina og veiðigallan.

Tveir Vorboðar - Golf-dýrin og Tjaldurinn

Ein mynd á dag í 10 daga / Mynd 9

Tók þessa eitthvað út í bláinn í kvöld.  Það finnst ekki fallegri bær en einmitt Hafnarfjörður alla vega hér á höfuðborgarsvæðinu.

Ein mynd á dag í 10 daga / Mynd 8

Jæja var að taka mynd dagsins. Þar sem að ég er í Krabbamerkinu er þetta við hæfa.  Pláneta krabbans er tungið. Það kemur sér vel að vera með góða aðdráttar linsu 50-200mm.

 

 

Tungl Krabbans

Ein mynd á dag í 10 daga / Mynd 7

Hér kemur mynd #7.  Þetta er mynd af því dýrmætasta sem að ég hef búið til og er svo heppinn að hafa hjá mér. Það er hún Ástrós Erla mín. Já ég veit að þetta er smá væmið en flest erum við samála um það sama. Börnin eru það sem að skiptir máli gæti hreynlega ekki lifað án hennar. Hún er bráðum að verða 4 ára. Hún er lítil dama sem að er með skoðannir á öllu milli himins og jarðar og hún sættir sig ekki við svarið "af því bara".  Hún segir: "það má ekki svara af því bara".  Enda erum við farin að fá hinar skrýpnustu spurningar eins og "hvað er Guð gamall?" og þess háttar.  Svaka fjör að svara þeim spurningum. Ég reyni að svara eftir bestu getu þessum fróðleiks fúsa einstakling sem að heitir Ástrós Erla.  Afmælið hennar er 10 apríl en ég reikna með að við höldum upp á það þann 12. 

Á Leið inn í Draumaland

Ein mynd á dag í 10 daga / Mynd 6

Tók þessa mynd.  Gamli og nýji tíminn mætast hér á skemmitlegan máta. Þessar skreiðar hjallar eru rétt fyrir utan Hafnarfjörð á leiðinni til krísuvíkur.  Skrýtin blanda.

Ein mynd á dag í 10 daga / Mynd 5

Í dag þegar við komum heim var húsið umkringt af starra.  Þetta var hálfpartinn eins og í myndinni Brids eftir Alfred Hitchcock. Snaraði upp mynda vélinni og náði þessari mynd og fleirum.  Sýnist einnig að vorið sé að boða komu sína með hækkandi sól.

Krókusarnir eru byrjaðir að kíkja upp og teigja sig í sólargeyslana.

 

Ein mynd á dag í 10 daga / Mynd 4

Sunnudags morgnar eru einstakir og sérstök ró sem fylgir þeim.   Þegar ég er búinn að gefa litlunni minni morgunmat og kveikja á barnaefninu í sjónvarpinu er mín stund.  Koma sér þægilega fyrir með sunnudagsblaðið með kaffi og góðan morgunmat og kaffi í ró og næði.